Lajmi i mirë i vetëm dje në humbjen përballë Flamurtarit në shtëpi për Lushnjën, ishte dedikimi special për Mikel Cankën. Sulmuesi arriti shifrën e lartë të 180 golave në total në karrierë.
Për këtë arritje madhështore të kapitenit të lagunarëve ka postuar dhe shoku e ish-kolegu, Eduart Rroca. Kujtojmë që pavarësisht se shumicën e karrierës Canka e ka kaluar tek verdhjeshilët, ai ka luajtur dhe për Luftëtarin. Dhe aty në klub ka patur 31 vjeçarin që aktualisht aktivizohet në Turqi.
Ish-mesfushori i Luftëtarit që tani luan për Ankara Keciorengucu në ligën e parë turke ka hedhur një story ku i shpreh urimet “bomberit” lushnjar.
Futbollisti i lindur në Librazh që ka provuar dhe ngjyrat e Kukësit, përveç urimit i ka vendosur dhe objektiv të ri golashënuesit myzeqar.
Mesfushori shqiptar, pjesë e sih-klubit të Jurgen Bardhit, që për momentin ka kaluar tek Umraniyespor, i ka thënë lojtarit të Lushnjës se nuk duhet ta mbyll karrierën pa mbërritur tek 200 golat.
Mbetet për t’u parë nëse Mikel Canka do e arrijë limitin e caktuar prej Rrocës.
Lexo gjithashtu
