Mathew Boniface është një futbollist nigerian që dikur ka mbajtur veshur fanelën e Partizanit. Tashmë, sulmuesi luan në Arabinë Saudite, por ka folur ekskluzivisht për Neësport në një intervistë.
Në vitin 2017, Boniface që për nga emri i ngjan bashkatdhetarit të tij që po shkëlqen në Leverkusen, ka veshur fanelën e Partizanit pas një aventure të sukseshme në Kosovë me Trepçën.
30 vjeçari ka shpalosur miqtë që ruan që nga ajo kohë në Shqupëri, ka paralelizuar Superioren me eksperiencat e tij si dhe ka dhënë mendimin e tij mbi ecurinë e ‘Demave’, mundësitë e titullit dhe në fund ka habitur me përgjigjen e tij rreht jetës në shtetin e milionave të sauditëve.
- Tani luani në Arabinë Saudite. Si duket situata në aspektin sportiv?
Jam shpërngulur nga Qipro në Arabi. Mbarova kontratën me Aris Limasol dhe erdha në Lindjen e Mesme. Al Lewaa është klubi im më i ri.
- A e kujtoni kohën e kaluar në Shqipëri, si mund t’a perifrazoni?
Të them të drejtën kohai me në Shqipëri nuk ishte keq. Ishte një situatë paksa e ndërlikuar për mua pasi duehj të siguroja vizën dhe procedurat të vonojnë pak. Por, unë u fokusova të bëja më të mirën.E mendoj shpesh të vij përsëri në vendin tuaj. Më pëlqen shumë klima dhe çdo gjë, sidomos Tirana është një perlë. Tashmë jam në një realitet të rid he më duhet t’a harroj atë kohë dhe të ecë përpara.
- Erdhët me shumë bujë nga merkato tek Partizani në ato vite. Çfarë nuk funkionoi për ju në atë periudhë të karrierës?
Bëra shumë mirë në klubin e Trepçës. Por ardhja ime tek partizani ndodhi në një periudhë jot ë përshtatshme. Ekuban sihte në kulm në ato kohë dhe nuk kishte shumë hapësira për mua si sulmues. Unë u përpoqa të luftoja për një vend titullari po ishte e pamundur përballë një kafshe si Ekuban. Ai ka vërtetuar se e meriton të jenë në majë falë sakrificës dhe talentit që ka. Nuk kisha kohë të tregoja potencialin tim siç bëra tek Aris, ndaj lëviza nga skuadra kryeqytetase.
- Kush ishin ata që të mbështetën më së shumti në klubin e Partizanit? Me kë flisni edne edhe sot nga miqtë që krijuat në Tiranë?
Më beso pavarësisht se e kisha rival në sulmin, Ekuban më qëndroi pranë gjithnjë. E kisha si vëlla, dilnim dhe kalonim shumë kohë dhe jashtë fushës. Idriz Batha ishte shoku im i ngushtë nga vendasit. Shumë djalë i mirë, më inkurajonte gjithmonë.
- A kishit dëgjuar për klubin e kuq para ardhjes në Shqipëri? A mbani ende kontakte me miqtë që sapo përmendët dhe si po ju duket situata në kampionatin shqiptar aktualisht?
Kisha dëgjuar fjalë nga më të mirat dhe e dija për Partizanin. Gjithashtu pata dëgjuar për Dinamon në atë kohë. Mbaj ende kontakte me të dy lojtarët që ju thashë i kam miq. Më shumë flas me Ekuban, i cili meë tregon për situatën në klubin e tij. E ndjek ende Superioren. Partizanin e ndjek, madje çdo postim në rrjetet sociale. Besoj se ata do ia dalin në titullin kampion. Dinamo është e arritshme, pasi vetëm 1 pikë i ndan ekipet.
- Keni luajtur në shumjë liga të tjera, përmendim këtu Kosovën. Si do t’a krahasonit kampionatin shqiptar në lidhje me eksperiencat tuaja? Po Partizanin në lidhje me ekipet e tjera ku keni shkelur?
Partizani është një ekip shumë i mirë. Siç ju thashë janë në garë për titull dhe kjo e fakton. Tifozerinë e kuqe nuk e ahrroj kurrë në jetë. Janë shumë të flaktë. Padyshim liga shqiptare është shumë herë më e mirë se ajo e Kosovës. Kam luajtur me Trepçën, por në Shqipëri ka më shumë ritëm dhe më tepër profesionalizëm. Nuk ka vedn për krahasim këtu. Ndërsa, sa i takon Qipros është më lart se Superiorja mendoj. Facilitetet më të mira i kam këtu në Arabi, investime të jashtëzakonshme.
Në Qipro ka stadium më të mira, por më pak tifozë. Kam qenë te Aris, një ekip shumë indjekur, por Partizani është klub më i madh, më histrorik, kanë më shumë trofe të mbledhura. Tani, besoj është Aris më mirë me sa jam informuar po në tërësi, skuadra nga Tirana është më big.
- Kush ka qenë klubi që është interesuar të ju blej para “Demave’? A keni patur më oferta pas ikjes nga vendi ynë?
Mendoj, Skënderbeu ishte në garë për të më marrë, po Partizani arriti të më siguronte më herët. Në fakt, korçarët kanë qenë ekipi më i vështirë ndaj të cilit jam përballur në shtetin tuaj. Ishte një ekip që vinte nga një seri trofesh dhe ishte on top. Radas më ka hapur shumë punë, më i miri që më ka markuar në Superligë.
- Po nga lojtarët e Partizanit, kush ju ka hapur më shumë punë në seancat stërvitore?
Malota ishte një bishë e vërtetë. I gjatë, pozicional dhe të hapte shumë punë gjithnjë. Më i miri nga mbrojtësit e asaj kohe në skuadër. Më bëhet qejfi që ka ecur në karrierë.
- Interesimet nuk kanë munguar edhe nga ekipet top për ju. Na tregoni pak më shumë.
Radas dhe Malota ishin mbrojtësit më të vështirë në Shqipëri, kurse jashtë mendoj Nelson Semedo ka qenë më i miri. Pengesë e jashtëzakonshme. Mendoj jo më kot Barcelona e mori në gjirin e saj. Jam përballur me të në një miqësore në kohën kur aktivizohesha për një klub të vogël në Portugali. Benfica ishte në kohë të arta.
Në merkato më kanë kërkuar shumë. Mendoj në ligën portugeze dhashë shumë dhe për vetë emrin që mbart. Aty më erdhën disa oferta nga ekipe të ndryshme, po më kujtohet që Vitoria Setubal më joshi. Është ekipi nga vjen Jose Mourinho dhe ka luajtur aty. Gjithashtu Ferencvaros nga Hungaria mund të mebtet një nga top klubet që më kanë kërkuar.
Që prej largimit nga Shqipëria kam dashur të rikthehem, por viza është e vështirë dhe ndonjë ekip nuk e ka marrë nismën të bëjë lëvizjen. As nga Kosova, sin ë ratsin e Trepçës ku shpërtheva.
- E fundit, më cilësore jeta në Arabinë Saudite apo në Shqipëri?
Siç jua thashë nuk ka si Shqipëria. Klimë e mirë, njerëz mikpritës. Jeta është e mirë atje, më e dëfryeshme sesa këtu ku ndodhem unë. Sauditët kanë një futboll që as me shaka nuk mund të krahasohet me atë në Superiore, ndërsa sa i takon cilësisë së jetës vetëm Riyadh ose Riadi ia kalojnë Tiranës. /Sergi LITO/
Lexo gjithashtu
