Ardian Nuhiu është trajneri i ri i Tiranës. Pas shkarkimit të italianit, Roberto Bordin, klubi kryeqytatas ia ka besuar ekipin teknikut nga Shkupi, i cili për herë të parë vjen të ushtrojë profesionin e tij në Shqipëri.
46-vjeçari në total ka 268 ndeshje si trajner i parë, me ekipe si Shkupi, Drita, Shkëndija e Tetovës dhe Gjilani. Ndërkohë që ka fituar vetëm 127 prej tyre, në 69 raste ka barazuar, ndërsa pas 72 sfidave ka dalë si humbës.
Përsa i përket golavarazhit, në 268 ndeshje, ekipet e tij kanë shënuar 396 gola, me një mesatare 1.47 gol për ndeshje, jo aq e lartë, por mjaft pozitive.
Ndërkohë që golat e pësuar janë gjithashtu në numër të lartë, plot 275. Me mesatare i bie, 1.04 gola të pësuar në një ndeshje. Kjo tregon, se loja e Nuhiut në mbrojtje "çalon", duke mos mbyllur ndeshje pa pësuar, gjithmonë në raportin gol/për ndeshje dhe sipas mesatares.
Përsa i përket ekipit të Tiranës, “bardheblutë” mbajnë vendin e 9-të (parafundit) në Superiore. Pas 9 ndeshjeve të luajtura, ata numërojnë vetëm 6 pikë, ndërkohë që kanë shënuar 8 gola dhe kanë pësuar 15 të tillë. .
Lexo gjithashtu
