Vladimir Weiss do të jetë trajneri i ri i Sllovakisë, i cili do të udhëheqë kombëtaren drejt kualifikuesve të Europianit 2028.
Njoftimin e ka bërë të ditur vetë federata sllovake, e cila i ka uruar dhe mirë se ardhjen teknikut, i cili rikthehet në stol pas 14 vitesh për të “rimëkëmbur” identitetin e skuadrës.
Weiss shquhet për një stil agresiv të lojës, duke qenë një “fanatik” i sistemit 4-2-3-1, që synon presion të lartë dhe kundërsulmeve të shpejta.
Po ashtu, një tipar i çmuar i tij është dhe karakteri emocional dhe karizmatik, çfarë mund të ndikojë menjëherë në menaxhimin psikologjik të skuadrës. Për këto arsye, vetë federata ka përzgjedhur pikërisht 62-vjeçarin sepse mentaliteti i tij prej fituesi mund të kthejë në “shina” në skuadër me shumë elementë cilësor.
Kujtojmë se Sllovakia ndërpreu rrugëtimin e saj në kualifikueset e Kupës së Botës, pasi u mposht nga Kosova me rezultatin 3-4, brenda "tempullit" të saj.
View this post on Instagram
Lexo gjithashtu
