Toni Kross ka mbetur i mahnitur nga sjellja e Ousmane Dembele, pasi trajneri Luis Enrique e zëvendësoi në pjesën e dytë në gjysmëfinalen e kthimit të Champions League përballë Bayern Munich, përfunduar në barazimin 1-1.
Ish-mesfushori i Real Madridit shprehu komentin e tij në një deklaratë të dhënë për “Marca” se nuk është aspak e lehtë të shkosh drejt stolit pasi ke bërë një paraqitje mjaft të mirë, duke patur dhe statusin si fituesi i “Topit të Artë”, por theksoi se qëndrimi i francezit duhet marrë si shembull për një pjesë të konsiderueshme të lojtarëve të tjerë.
“Luis Enrique hoqi nga loja Dembelen, lojtarin e tij më të mirë. Minuta e 65-të, Champions League, ndeshja e kthimit dhe askush nuk u mor me justifikime. Ai la fushën, i dha dorën trajnerit dhe u ul në stol duke ndarë gëzimin me shokët e skuadrës. Një shembull për të tjerët.
Shihni pak Dembelen. Si iu bërtetë shokëve të tij për të luftuar, edhe nga stoli. Këtë nuk e bëjnë as 90% të lojtarëve që mendojnë se janë yje. Në vend të kësaj, thjesht bëjnë gjeste të turpshme dhe ulen në stol duke mërmëritur”, ishin fjalët e Kross.
???? Toni Kroos tells Marca: “Luis Enrique subbed out Ousmane Dembélé, his best player, in the 65th minute of a Champions League semi-final and nobody complained. He exits the pitch, shakes his coach’s hand and sits on the bench cheering his teammates. There are some counter… pic.twitter.com/9RFFxHyPGY
— Fabrizio Romano (@FabrizioRomano) May 9, 2026
Lexo gjithashtu
