U mendua gati i sigurt, kalimi i Fisnik Asllanit tek Dortmund. Mirëpo, e ardhmja e sulmuesit shqiptar, i cili është ende nën kontratë me Hoffenheim në Bundesliga-n gjermane, mund të marrë një tjetër kthesë.
Zhvillimet e fundit në Spanjë flasin për një largim të mundshëm të Ferran Torresit nga Barcelona për një transferim tek PSG-ja dhe nëse ky operacion finalizohet me sukses, tek katalanasit do të lirohej një tjetër vend bosh në repartin ofensiv.
Përtej objektivit parësor që mbetet “9-shi” që do të mbulojë ikjen e Robert Lewandowskit, me pasuesin Julian Alvarez, te kampionët e Spanjës po studiohen dhe alternativat e Ferran, mes të cilëve dhe shqiptarin nga Kosova.
Ky i fundit ka vendosur të “ngrijë” së paku për pak kohë miratimin e transferimit të tij tek verdhezinjtë, në pritje të asaj çfarë vendimi do të marrin drejtuesit e Barcelonës, nëse “divorci” me sulmuesin merr trajtë zyrtare.
Lexo gjithashtu
