Vllaznia ka lënë pas humbjen në Rrogozhinë ndaj Egnatias, tani fokusi është te takimi i radhës ndaj Kastriotit. Ditën e diele në Shkodër do të ndeshet Kastrioti i Çelës kundër Vllaznisë së Josës. Dy ekipe me objektiva të ndryshme por me një ego të madhe në fushën e lojës, synojnë vetëm 3 pikët nga ky takim.
Mirel Josa është strategu që Xhaferri i ka besuar plotësisht për të risjell titullin e munguar në Shkodër. Cinizmi i treguar nga kuqeblutë kanë rritur ndjeshëm pritshmëritë por humbja ndaj Erzenit dhe Egnatias ka lënë shije të keqe, pasi ajo nuk mund të quhet Vllaznia e njëjtë me atë që u shfaq ndaj Kukësit dhe Tiranës.
Mungesat e shumta do të sjellin ndryshime në kampin shkodran, pasi Latifi dhe Boshnjaku janë përkohësisht të dëmtuar. Mundësia për të parë nga minuta e parë Alivodën është e madhe por rikthimi i Markut mund ta vërë në dilemë. Gjithashtu për Vllazninë është i gatshëm dhe Hakaj që ka lënë pas dëmtimin.
Lexo gjithashtu
