Vllaznia do të luajë sot kundër Bylisit në shtëpi, ndeshje e kthimit për Kupën e Shqipërisë. Në sfidën e parë, shkodranët kanë triumfuar me rezultatin 2-0 dhe çështja "kualifikim" duket i arritur. Trajneri Mirel Josa ka punuar intensivisht në stërvitje në mënyrë që lojtarët e tij të marrin ngarkesën e duhur.
Ai ka vënë dhe pikat mbi "i" sa i përket titullarëve që do të zbresin në fushë. Kësisoj nuk do të ketë asnjë ndryshim nga ndeshja e kaluar. Shkodranët priten të luajnë me një formacion 4-3-3. Në portë do të jetë i përhershmi Zogoviç, ndërsa para tij do të rreshtohet katërshja Smajli - Gurishta - Shehi dhe Hakaj.
Heriç, Alivoda dhe Jonuzi do të përbëjnë mesin e fushës, kurse Mala dhe Hoxhaj do të jenë në mbështetje të Bekim Balajt. Takimi me Bylisin është programuar të zhvillohet në orën 13:00 në stadiumin "Loro Boriçi" të Shkodrës.
Formacioni i Vllaznisë (4-3-3): Zogoviç, Smajli, Gurishta, Shehi, Hakaj, Heriç, Alivoda, Jonuzi, Mala, Balaj, Hoxhaj Trajner: Mirel Josa
Lexo gjithashtu
