Tirana vijon të zhgënjejë tifozët dhe veten e saj duke u mposhtur nga Kukësi në ndeshjen e parë të gjysmëfinales së Kupës. Bardheblutë humbasin 2-0 duke e bërë shumë të vështirë kualifikimin në finale. Trajneri Erbim Fagu u shpreh pas ndeshjes se do të provojnë gjithçka për ta përmbysur rezultatin në shtëpi.
“E kishim vlerësuar ndeshjen pasi është një trofe për t’u fituar. Veç dy golave ne ishim në control, por nuk ishim të qartë në finalizim.
Vuajtëm pasi trysnia e rezultatit të vë në presion në pjesën sulmuese. Më pëlqeu mënyra sesi luajtëm dhe më vjen keq që pësojmë gola të thjeshtë. Do të bëjmë gjithçka për ndeshjen e kthimit.
E mendoj që Tirana ka mundësinë ta kthejë. Nëse luajmë si sot duke minimizuar gabimet, çdo gjë është e mundur. Do të punojmë për të rritur moralin dhe anën psikologjike. Në kampionat kemi një ndeshje direkte, shpresoj që ta kalojmë këtë ndeshje e të përqendrohemi me Skënderbeun”, tha Fagu.
Lexo gjithashtu
