Tifozat Kuq e Zi gjithmonë janë në mbështetje të kombëtares shqiptare. Në çdo kudo dhe kurdo ata janë këmba këmbës. Në humbje dhe në fitore “Tifozat Kuq e Zi” janë zemra e kombëtares dhe si të tillë nuk pritet të mungojnë në asnjë ndeshje në shkallët e stadiumit.
Por TKZ nuk ndalet me kaq, pasi ata tashmë kanë marrë një tjetër iniciativë. Nëpërmjet një postimi në rrjetet sociale kanë bërë me dije se do të udhëtojnë nga Jugu në Veri dhe do të fshijnë çdo shkrim antishqiptar dhe në vend të tyre do të vendosen simbolet kombëtare. Në këtë nismë do të ndihmohen edhe nga vulnetar shqiptarë që jetojnë dhe veprojnë në Zvicër.
“Të dashur Tifoza Kuq e Zi,
Një ditë historike po fillon për ne!
Me anë të kontributit vullnetar të anëtarëve të TKZ-së, dhe veçanërisht të atyre me banim në Zvicër, nis sot një mision kombëtar në jug të Shqipërisë.
Duke filluar nga sot, ne do të fshijmë shkrime të ndryshme dhe do t’i zëvendësojmë ato me flamurin tonë kombëtar, shenjën e identitetit dhe unitetit tonë!
Vendi i parë ku filloi ky transformim është Llogaraja, pjesa panoramike ku shqiptarët ndalen për të ruajtur kujtime. Tani, në vend të shkrimeve antishqiptare ata do të gjejnë ngjyrat Kuq e Zi!
Në këtë mision, bashkohemi të gjithë në ngritjen e flamurit tonë kombëtar.
O sa mirë me qenë Shqiptar!”, shkruajnë në postimin e tyre.
Lexo gjithashtu
