Gjesti me krahët e "shqiponjës" është rrënjosur përfundimisht si simboli i pavdekshëm i identitetit shqiptar. Festimi i Xhakës dhe Shaqirit në supersfidën me Serbinë i ka dhënë akoma më tepër kuptim ndjesisë së të qenit shqiptar.
Por jo krejt rastësisht ky gjest ka dhe të kaluarën e tij, të regjistruar në memorien e aparatit fotografik.
Një foto që besohet se i përket periudhës së fund shek. XIX- fillim shek. XX shfaq të ulur në 3 radhë duke mbajtur të kryqëzuar në të njëjtën mënyrë 100% duart siç bëjnë shumica e shqiptarëve sot. Mësohet se kjo foto, tashmë emblematike ka në qendër të saj përfaqësues të sektit të bektashinjve që ndodhen në qendrën e tyre të kultit në Teqenë e Përmetit.
Jo më kot kjo gjë është trashëguar në mënyrë jo krejt të pandërgjegjshme nga brezi në brez për t'i dhënë krahë çdo njeriu që ndihet shqiptar i vërtetë.
