Kukësi i trajnerit Ernest Gjoka normalisht që do të jetë i ndryshëm nga ai i Hasan Likës apo edhe i Klodian Duros. Trajneri kryeqytetas ka nisur të mendojë për formacionin e ri, ndërsa dalin në pah dhe aludimet e para për të ardhmen.
Në mesfushë përflitet çdo ditë e më shumë ardhja e Bruno Telushit, ndërsa thashethemet çojnë në shkëmbimin e tij me Edon Hasanin. Mirëpo, shkodrani ka mohuar largimin nga verilindorët, për shkak se është ende në kontratë dhe do ta respektojë deri në përfundim.
Porta është një pikë kyçe në të cilën Kukësi sezonin e shkuar ka vuajtur jo pak. Koliqi nuk ka qenë në gjendjen e tij më të mirë, ndërsa është zëvendësuar shpesh nga Ervis Koçi. Pogradecari Enea Koliqi është në përfundim të kontratës dhe mësohet se ka zgjedhur të largohet. Vendin e tij pritet që ta marrë ish-portieri i Bylisit dhe Tiranës, Stivi Frashëri. Ky i fundit është në tratativa për më tepër se një muaj me blutë e Kukësit, ndërsa kërkohet edhe nga Partizani.
Lexo gjithashtu
