Partizani do të përballet në javën e 11-të të “Abissnet Superiore” me Laçin, takim i cili do të luhet ditën e enjte në orën 13:00.
Demat të “kërcënuar” nga rivalët e tyre, Tirana me vetëm 1 pikë, ndaj kurbinasve kthehet në detyrim fitorja, por “thembra e akilit” do të jetë mesfusha. Valentino Murataj u ndëshkua me karton të verdhë në humbjen ndaj Egnatias, duke plotësuar kështu numrin 4 të tyre.
Victor Da Silva u dëmtua gjithashtu në sfidën e të dielës ndaj rrogozhinasve, ndërsa ditën e sotme pritet t’iu nënshtrohet edhe vizitave mjekësore për të mësuar shkallën e dëmtimit. Gjithashtu edhe Matonto ka shfaqur probleme dhe nuk është stërvitur me pjesën tjetër të ekipit dhe në këtë mënyrë Giovanni Colella duhet të rindërtojë nga fillimi repartin e sulmit.
Formacioni i mundshëm:
Partizani: Rexhepi, Hadroj, Bitri, Buxhelaj, Rrapaj, Romero (Arapi), Telushi, Hoti, Skuka, Cara.
Lexo gjithashtu
