Të shtunën në orën 19:00 luhet ndeshja Partizani-Erzeni. Sfida e vlefshme për javën e 22 do të zhvillohet në Kompleksi “Partizani”. Fitorja ju duhet të dyja skuadrave.
Të kuqve ju duhen tre pikë për të mbajtur hapin e kryesuesve të Tiranës. Ndërsa për shijakasit një tre pikësh do t’i ngjiste ata në vendin e dytë me pikë të barabarta me Partizanin. Barazimi i javës së kaluar ka lënë një shije të keqe në rradhët e Erzenit, për shkak edhe të kontestimeve për arbitrimin. Prandaj për sfidën e së shtunës ata kërkojnë maksimumin.
Në një postim në rrjetet sociale klubi Erzenit fton të gjithë tifozerinë shijakase të jenë të pranishëm në shkallët e stadiumit. Ata janë të bindur se së bashku me tifozët askush nuk i ndal duke e konsideruar sfidën me Partizanin si ndeshjen e rradhës.
Lexo gjithashtu
