Në listën e lojtarëve U-19 që Erjon Bogdani grumbulloi pak kohë më parë mungonte emri i futbollistit të Milanit, Ismet Sinani. Ai ka pasur shumë dëshirë të vishte ngjyrat kuqezi, po Bogdani e refuzoi duke e justifikuar këtë gjë me minutat e pakta që Sinani kishte luajtur me ekipin italian.
Sot, mediat kosovare kanë zbuluar se Ismet Sinani ka zgjedhur të luajë për 19-vjeçarët e Kosovës. Talenti 19-vjeçar është ftuar nga Kosova dhe ai e ka pranuar ftesën dhe do të luajë ndaj Portugalisë takimin e parë, raportojnë mediat sportive kosovare.
Si duket, skualifikimi që i ka bërë Bogdani pak kohë më parë ka bërë që futbollisti në fjalë të zgjedhë një tjetër skuadër, në kushtet që 19-vjeçarëve të Shqipërisë nuk mund t'iu bashkohej dot.
Poll
Lexo gjithashtu
