Luftëtari mund të quhet surpriza e këtij sezoni futbollistik. Gjirokastritët kanë arritur të zhvillojnë një lojë të mirë në fushën e blertë dhe tani renditen në vendin e 6-të me 18 pikë. Megjithatë për bluzinjtë duket që nuk do të mbyllet me kaq ky vit që po lëmë pas.
Mësohet se drejtuesit e Luftëtarit kanë kërkuar nga skuadra të fitojnë 4 ndeshjet e radhës dhe do të kenë një shpërblim prej 30 mijë eurosh. "Aktin" e parë e kanë kryer me sukses, pasi mposhtë Vllazninë në "Loro Boriçi" me rezultatin 3-2. Tashmë i mbeten edhe 3 takime të tjera, megjithatë misioni duket i vështirë, pasi skuadra e drejtuar nga Milinkoviç do të luajë kundër Teutës, Tiranës dhe Kukësit, 3 skuadra të cilat kërkojnë pikë në këtë "luftë" të ashpër të Superiores.
Poll
Lexo gjithashtu
