Skënderbeu ka mundur dje Teutën me rezultatin 3-1, humbje e cila nuk ësht pritur mirë në kampin durrsak, takim i vlefshmë për javën e 16-të të kampionatit në Superligë.
Pas takimi, nuk ka qenë Gugash Magani ai që ka folur për mediat, por trajneri i portierëve, Xhevair Kapllani, duke zbuluar se trajneri pas ndeshjes nuk ndihej mirë. Të gjithë menduan se Magani mund të kishte marrë ndonjë vendim për largim nga ekipi pas humbjes ndaj korçarëve, por jo.
Tekniku ka mohuar të ketë dhënë dorëheqjen, duke ia lënë në dorë të ardhmen e tij presidentit të klubit, Edmond Hasanbelliu.
Kujtojmë që këtë sezon trajneri i Teutës ka dashur dy herë të largohet, por ka qenë presidenti që ka kërkuar që stafi të qëndrojë i njëjtë. Lidhur me të ardhmen gjithçka pritet të mësohet ditët në vijim, pasi nga klubi këtë herë ende nuk ka diçka zyrtare.
Lexo gjithashtu
