Kristal Abazaj është i grumbulluar me Kombëtaren shqiptare për takimin miqësoren me Katarin. 26 vjeçari nga Elbasani i ftuar në emisionin sportiv “Ora Sport” është shprehur për aventurën e tij në Belgjikë.
Aktualisht Abazaj është pjesë e Istanbulspor në Superligën turke, ku në ekip ka dhe shqiptarët e tjerë, Eduarto Rroca dhe Valon Ethemi.
Prononcimi i Kristal Abazaj:
“Mu duk si ajo dita e parë kur shkojnë fëmijët në shkollë. Çunat i njoh, kam luajtur me ta. Disa i kam pasur kundërshtar, disa në ekip. E shoh si test miqësor shumë pozitiv. Është një nga ato ndeshje ku secili duhet të tregojë vlerat e tij. Një ndeshje e mirë me një ekip si Katari pse jo, mund të hapë rrugën për një ftesë tjetër me ekipin kombëtar. A do të jem në formacion? Nuk e di. Unë sot u bashkova me grupin, pasi dje kisha ndeshje me ekipin tim. Trajneri ka të drejtë. Të jem realist kur kam bërë transferimin e parë, kam shkuar nga një ekip modest, si Luftëtari, te një ekip top europian si Anderlechti. Por duket të jem realist, ishte si të shkoja nga Verona në Real Madrid”.
Lexo gjithashtu
