Kylian Mbappe vazhdon të jetë në qendër të vëmendjes së madiave dhe klubeve kryresorë. Sulmuesit me PSG-në i përfundon kontrata në fund të këtij sezoni, teksa palët nuk kanë arritur ende marrëveshjen për rinovimin e saj.
Në këto kushte “telenovela” Real – Mbappe është e destinuar të vazhdojë. Madje madrilenët do të bëjnë edhe lëvizjen e fundit për transferimin e tij. Në fakt kalimi në “Santiago Bernabeu” është i shumëdëshiruar edhe nga vetë Mbappe, i cili pret që t’i realizohet “ëndrra” e tij.
Sipas mediave spanjolle bëhet me dije se “Los Blancos” po bëjnë gati kontratën për Mbappe dhe gjithçka do të tentojnë në merkaton e janarit. Bashkë me kontratën, lojtarit do t’i vendoset edhe një afat 2 javor për t’i kthyer përgjigje madrilenëve.
Nëse gjatë kësaj periudhe, Mbappe nuk kthen një përgjigje pozitive, atëherë “telenovela” Mbappe-Real do të marrë fund përgjithmonë. Mbetet të shihet se çfarë do të ndodhë me hapjen e merkatos së janarit për të mësuar më pas se cila do të jetë e ardhmja e sulmuesit të Francës.
Lexo gjithashtu
