Renato Arapi pritet të bëhet drejtori i ri sportiv i Kukësit. Klubi verilindor do të ndryshojë pronësi pas 1 dekade teksa dy investiture kanë blerë aksionet e familjes Gjici.
Ish-mbrojtësi i njohur po ‘përvesh’ mëngët për të qenë gati për startin e detyrës së re. Ai do të krijojë Kukësin e ri që militon në Kategorinë e Parë dhe do të sjellë një ekip të tërë në këto ditë të fundit të merkatos.
Synohet të rikthehet Kukësi i artë dhe lojtarët që do të vijnë duhet të stërviten si ‘kafshë’ për ta realizuar. Kështu mendon edhe Arapi i cili ka ndarë në InstaStory një shprehje të Guardiolës.
“Ti luan me të njëjtin ritëm siç stërvitesh. Nëse stërvitesh keq, luan keq. Nëse punon si bishë në stërvitje, luan në të njëjtën mënyrë”, janë fjalët e Guardiolës.
Lexo gjithashtu
