Kukësi do të hyjë në një etapë të re të historisë së tij. Klubi verilindor, pas më shumë se 1 dekade, nuk do të jetë më në pronësinë e familjes Gjici të cilët kanë vendosur të shesin të gjitha aksionet e klubit tek investitorë të huaj. Një letonez dhe një shqiptar mësohen të jenë dy pronarët e rinj, emri i të cilëve ende nuk bëhet i ditur pasi pritet një konference shtypi për të qartësuar gjithçka.
Megjithatë, puna për sezonin e ri ka nisur edhe pse ende s’është bërë kalimi i pronësisë. Pronarët e rinj kanë bërë gati edhe emrat që do të vihen në krye të klubit. Drejtori sportiv pritet të jetë Renato Arapi i cili do të ndërtojë skuadrën e këtij sezoni. Ndërsa, për stolin pritet një rikthim në futbollin elitar të Ilir Spahiut, sipas shtypit të shkruar.
Ky i fundit prej vitesh nuk ka drejtuar në futbollin e të rriturve, ndërsa gjatë karrierës ka qenë trajner i Partizanit, Luftëtarit, Apolonisë e Bylisit. Nëse nuk arrihet te i pari, trajneri i verilindorëve do të jetë Emiljano Çela që do ta ketë për herë të dytë pasi sezonin e fundit e drejtoi për disa javë.
Lexo gjithashtu
