Kamza do luajë në transfertë nesër ndaj Skënderbeut, një sfidë e vështirë e cila vendos shumë për kamzalinjtë të cilët dita -ditës rrezikojnë dhe më shumë. Edhe pse në fillim të sezonit ekipi i drejtuar nga Ramadan Ndreu deri pak ditë më parë, por që vetëm dy ditë më parë ia ka kaluar stafetën trajnerit të ri, Julian Ahmataj, ka patur një ecuri pozitive, kjo nuk po shihet thuajse nga fillimi i fazës së dytë.
Edhe pse sfida e nesërme është e vështirë pasi Kamza do të ketë përballë kampionët e mundshëm të këtij sezoni, do tentojë të bëjë mrekullinë. Dy ditë para sfidës, ka qenë presidenti, Naim Qarri i cili ka zhvilluar një takim me skuadrën pas emërimit të trajnerit të ri, mbledhje nga e cila ka përfituar për t'iu dhënë zemër të tijve.
Ai iu ka konfirmuar rëndësinë e këtij takimi, cilësinë e kundështarit, por ka kërkuar që në këtë transfertë të luajnë pa presion dhe çdo gjë do shkojë mirë, gjithmonë nëse dhe fati është në krahun e tyre.
Lexo gjithashtu
