Kamza ka humgur ndaj Kukësit ditën e djeshme me rezultatin 1-0 në takimin e vlefshëm për javën e 28-të të kampionatit. Pas përfundimit të ndeshjes ka folur presidenti i Kamzës, Naim Qarri i cili ia ka "faturuar" humbjen gjyqtarit Juxhin Xhaja, duke specifikuar se dhe fati ishte kundër tyre ditën e djeshme.
"Nuk kam çfarë të them, kur një gjyqtar që është nga Kamza arbitron në atë mënyrë. Të paktën një 5% duhet të anonte nga ekipi ynë. Nuk mund të flas asgjë kundër Federatës, pasi e ka fajin gjyqtari që e kemi kamzali. Nga tre penallti, duhet të na jepte të paktën një në favor. Futbollistët tanë kanë bërë një lojë shumë të mirë. Kukësin e ndihmoi fati dhe arbitri. Sa i përket mbijetesës, janë në lojë edhe 8 ndeshje të tjera, prandaj kemi ende shpresa", është shprehur Qarri pas ndeshjes
Lexo gjithashtu
