Kamza do përballet sot me Luftëtarin në takimin e vlefshëm për javën e 32-të të kampionatit në Superligë. Vendasit do tentojnë të marrin sot një rezultat pozitiv ndaj bluzinjve të "arnuar" për shkak se Sebino Plaku do mungojë në takimin e sotëm.
Sulmuesi ka pësuar një dëmtim në pulpë në seancën stërvitore zhvilluar dy ditë më parë. Ndonëse Kamza do luajë pa lojtarin kryesor, do tentojë të marrë një rezultat pozitiv.
Në tre takimet e zhvilluara këtë sezon, Luftëtari ka fituar dy takime, ndërsa Kamza vetëm një. Një arsye tjetër pse ekipi pritës kërkon sot fitoren është premioja e majme prej 20 mijë eurosh që është premtuar nga presidenti Naim Qarri dhe kryebashkiaku, Xhelal Mziu. Lojtarët janë në pritje të premios 10 mijë euro të cilën e fituan pas suksesit ndaj Teutës, takim i cili u mbyll në barazim 3-3.
Lexo gjithashtu
