Një javë më parë pas ndeshjes Bylis – Lushnja, klubi ballshiot ka ngritur një numër të madh akuzash për gjyqtarin e takimit Juxhin Xhaja. Administratori e Bylisit, Daniel Mustafaraj ka akuzuar sërish në një prononcim të dhënë për “Sport Ekspres”.
“Ne, kemi informacionet tona, madje i kemi grumbulluar dhe kemi mësuar se gjyqtarit Xhaja i është bërë presion me komunikime telefonike, madje dhe me sms para ndeshjes. Madje, i kërkojmë organeve kompetente, që të hetojnë duke hapur edhe tabulatet telefonike. Nuk e dijmë nëse gjyqtari duhet t'ia ketë raportuar një gjë të tillë delegatit Bujar Pregja apo dhe vëzhguesit apo eprorëve më të lartë në FSHF. Por ky është skandal dhe u duk qartë edhe në fushën e blertë se çfarë vendimesh mbajti gjyqtari karshi skuadrës sonë, ndërkohë që lojtarët e Lushnjës edhe pse kanë bërë xheste antisportive, janë toleruar disa herë ku episodet e Mones e Byzhytit kane qenë të pafalshme. Kurse ndaj lojtarëve tanë Xhaja e kishte shumë kollaj që të nxirrte kartona. Me sa duket gjyqtari nuk e ka mbajtur presionin e Çobanit duke qenë se e ka eshe shef në punën që bëjnë në një institucion shtetëror që ka lidhje me hipotekat, ku Çobani ka post të lartë pranë Drejtorisë Juridike dhe Xhaja është vartës i Çobanit. Këto janë skandale dhe duhet që të meren masa. Ne kërkojmë hapjen e tabulateve telefonike sepse në këtë mënyrë kampionati po degradon dhe u dukë qartë gjyqtari Xhaja që me vendimet e veta ishte pro- Lushnjës. Madje edhe në ndeshjen Tomori- Lushnja në fazën e parë është parë qartë sërish dashamirësia që gjyqtari Xhaja ka treguar ndaj Lushnjës dhe takimi ka përfunduar në barazim. Në atë ndeshje tëvtrasmetuar live nga TVSH, e kemi parë si si i falen kartonët lojtarëve të Lushnjës. Ky është skandal, ndaj edhe ftojmë organet kompetente që të bëjnë punen e tyre, duke parë tabulatet por edhe duke marrë masa ndaj atyre po po behen faktorë negativë në prishjen e garës", ka theksuar administratori i Bylisit, Daniel Mustafaraj.
Lexo gjithashtu
