Elseid Hysaj, sot lojtari më i shtrenjtë i Kombëtares kuqezi dhe një nga liderët e mbrojtjes së formacionit të trajnerit De Biazi në një intervistë përpara ndeshjes së parë të Kampionatit Europian shprehet se ende nuk e beson se ka arritur këtu. Veç të tjerave, ai pret që skuadra kuqezi të bëjë hapa të sigurt në Europian, ndërsa kërkon që të marrin ndeshjet një e nga një që të arrihet te suksesi.
Si ndiheni për faktin qe Kombëtarja Shqiptare e Futbollit do të luajë në Kampionatin Europian, ‘’Francë 2016’’?
Nuk mund ta besoja se me të vërtetë mbërritëm këtu. Unë jam vetëm 22 vjeç. Është e pabesueshme, është e shkëlqyeshme. Shpresoj të fitojmë ndeshje në Francë.
Kjo është pjesëmarrja e parë për ekipin e Shqipërisë, në Kampionatin Europian. Çfarë mendimi keni për këtë mundësi historike?
Ndjesia për këtë mundësi historike vërehet në fytyrat tona në fushën e lojës. Dalëngadalë, po mësohemi me këtë fakt!
Kur i keni pasur fillesat me futbollin? Kur keni filluar të luani si futbollist profesionist?
Isha 7 vjeç kur fillova të merreshe me futboll. Në moshën 17 vjeçare i kuptova se doja më shumë, të bëhesha futbollist profesionist. Nëse do ta arrish, atëherë duhet të punosh, të strukturosh jetën tënde, dhe ti mbushësh planet me pasion dhe vitalitet. Kështu që fillova ta përmbush ëndrrën time, dhe punova fort për këtë.
Çfarë këshille do ju jepje lojtarëve të rinj shqiptarë?
Duhet të silleni si profesionistë. Mos mendoni vetëm të bëni qejf, të dilni gjithmonë mbrëmjeve, ndiqni në mënyrë serioze planet dhe idetë tuaja.
Kush janë pritshmëritë dhe qëllimet tuaja personale për Kampionatin Europian?
Futbolli është i çuditshëm, ne duhet të shohim ndeshje pas ndeshje, dhe të presim!
Kush është ekipi juaj i preferuar në "Euro 2016"?
Shqipëria!
Lexo gjithashtu
