Atmosfera festive në Iran me rastin e pjesëmarrjes për herë të 5-të të ekipit në finalet e një Botërori ka qenë e madhe me tifozë të shumtë nëpër rrugë por edhe me flamuj dhe banderola të shumtë. Por një nga banderolat e vendosura në kryeqytetin Teheran ka shkaktuar debate të shumta dhe reagime negative në vend për shkak se në të nuk ishte vendosur asnjë pamje femre. Në banderolë pasqyroheshin disa burra të etnive të ndryshme iraniane duke festuar rreth një kupe, por asnjë femër në turmë.
Gjithsesi ankesat nuk ranë në vesh të shurdhët pasi autoritetet reaguan menjëherë duke zëvendësuar reklamën më një të re ku shfaqeshin lojtarët e kombëtares duke u mbështetur nga tifozë, e mes tyre edhe nga femra ndonëse natyrisht ato pasyrohen të mbuluar me shaminë myslymane të detyrushme në Republikën Islamike.
[gallery columns="1" size="full" ids="246439"]
Lexo gjithashtu
