Faruk Kalleshi, ish peshngritës i Partizanit, Vllaznisës dhe ekipit Kombëtar, sot feston 71 vjetorin e ditëlindjes.
Kalleshi është një nga emrat më të mëdhënj të peshëngritjes. Me fanellën e Partizanit dhe të Vllaznisë, ai ka qenë kampion absolut për 21 vjet me radhë.
Kalleshi ishte i vetmi peshëngritës në Shqipëri që theu 116 rekorde kombëtare. Një kampion i cili konkuronte me veten pas nuk kishte asnjë sfidant të denjë për të.
Gjithashtu ishte i suksesshëm edhe në turnet ndërkombëtarë jashtë Shqipërisë.
Gjate tureneve në Kinë më 1968 dhe 1973, tregoi forcën e tij me rezultate të shkelqyera, nga ku theu edhe 12 rekorde kombëtare.
Faruk Kalleshi mbeti vetëm 5 kg nga rekordi botëror. Për 21 vjet doli 21 herë radhazi kampion, duke përfaqësuar individin me më shumë tituj kampion në sportet individuale. Karriera e tij vazhdoi dhe më pas si trajner elitar, duke punuar për evidentimin e talenteve të mëdhenj të shtangës. Ai është pagëzuar si floriri i vogël i sportit tonë.
Gjigandi shtatshkurtër i peshëngritjes shqiptare,Faruk Kalleshi, është i vetmi peshëngrites shqiptar që ka nisur dhe përfunduar karrierën 21-vjeçare sportive duke qenë vetëm e vetëm kampion kombëtar, duke e nisur si kampion e mbyllur si kampion. Rekord ndoshta për librin "Guiness".
