E keni parë vetëm ti bjerë bilbilit në fushën e blertë? Tani jo. Për Enea Jorgjin, arbitrin shqiptar me stemën e FIFA-s tashmë po hapet një kapitull i ri, raporton newsport.al. I veshur me një kostum mbrëmjeje Gala, në krah një të vajze celebrity siç është princesha Elia Zaharia, emra të shquar të muzikës klasike u ngritën në skenë, për një publik artdashës të zgjedhur për të mbyllur sezonin artistik në qytet. Vikena Kamenica, Ulpiana Aliaj dhe emra të tjerë të mirënjohur interpretuan në skenën e teatrit "Skampa". Arbitri shqiptar Enea Jorgji shkëlqeu nën moderim edhe me Elia Zaharian, bashkëshorten e princ Lekës.
Të dy së bashku i dhanë një tjetër dimension mbrëmjes Gala, raporton newsport.al . Nën dirigjimin e Gridi Krajës, orchestra harmonike e Elbasanit solli më të mirën në skenë. Pas përfundimit, drejtori i Qëndrës së Artit Kliton Kapaj u shpreh i lumtur që edhe ky vit artistik në qëndrën e Artit u mbyll më Gala. Edhe për violinistin elbasanas Zeqir Sulkuqi, i cili prej vitesh merr pjesë në koncertin e fundvitit kjo është ndoshta mbrëmja artistike më e bukur. Të ardhurat nga koncerti do të shkojnë për familjet e prekura nga tërmeti i 26 Nëntorit.
Lexo gjithashtu
