Zyrtarizimi është çështje orësh, por firma në kontratë mes klubeve dhe lojtarit është vendosur. Gytis Paulaskas është transferuar në Ukrainë te skuadra e Kolos Kovalivka në Superligë.
250 mijë euro për Egnatian që bën një tjetër shitje të bujshme këtë verë dhe veç kësaj ruan dhe një përqindje të konsiderueshme për shitjen e radhës së lojtarit.
Menaxheri shqiptar Arbi Laçi mësohet të ketë realizuar këtë transferim për sulmuesin e kombëtares së Lituanisë që prej një viti luante për Egnatian.
Paulaskas mësohet se ka firmosur një kontratë për 2.5 vite dhe një rrogë të lartë plus shumë bonuse për të ardhmen. Kujtojmë se lituanezi këtë sezon me rrogozhinasit ka luajtur në 21 ndeshje dhe ka shënuar 4 gola dhe ka dhënë edhe 2 asiste, ndërkohë kontrata me Egnatian ishte e vlefshme deri në qershor të 2025.
Lexo gjithashtu
