Egnatia prej ditësh ndodhet në Golem, ku po vazhdon edhe stërvitjen për rifillimin e kampionatit. Rrogozhinasit me në krye Shpëtim Duron kanë zhvilluar nga dy seanca stërvitore në ditë, duke rritur ndjeshëm edhe intensitetit në skuadër.
Egnatia do të qëndrojë 10 ditë në Golem, ndërsa drejtuesit kanë programuar edhe ndeshje miqësore që stafi të shikojë gjenjen e lojtarëve. Pikërisht Apolonia do të jetë një nga kundërshtarët e Egnatias në këto ditë, me Duron që do të shikojë edhe rendimentin e lojtarëve përballë një skuadre që luan në Kategorinë e Parë, takim që do të luhet më 26 nëntor.
Kujtojmë se rrogozhinasit do të përballen me Vllazninë në rifillimin e kampionatit, takim që do të luhet në “Loro Boriçi” të Shkodrës, ndërsa Egnatia aktualisht mban vendin e 5-të në tabelën e klasifikimit me 18 pikë.
Lexo gjithashtu
