Arturo Vidal me shumë mundësi do të largohet nga Bayern Munchen në merkaton e vereës. Edhe pse 31-vjeçari ka një kontratë që përfundon pas një viti me bavarezët, pranon faktin se menaxheri i tij është duke punuar për transferimin e tij.
"Kam ende edhe një vit kontratë në Gjermani. Jam i qetë, sepse e di vlerën time dhe dua të luaj në ndeshje të rëndësishme. Kam pasur shumë oferta dhe kjo është normale kur futbolli është në periudhë merkatoje, por është koha të mendohem gjatë dhe të zgjedh me qetësi. Edhe mund të largohem nga Mynihu, menaxheri im Fernando Felicevich po merret me gjithçka. Personalisht jam i përqendruar te futbolli. Dua të luaj me një ekip që lufton për të fituar Champions League. Fitimi i titujve është ajo për të cilën luftoj" është shprehur Vidal për mediat gjermane.
Kujtojmë që ditët e fundit Vidal është përfolur nga mediat italiane se kishte arritur një marreveshje me Napolin pas konfirmimit të Carlo Ancelotit në krye të kësaj skuadre, por ende nuk ka diçka zyrtare. Interes për shërbimet e kilianit ka shprehur dhe skuadra e Interit. /NEWSPORT.AL/
Lexo gjithashtu
