Jemi shumë afër merkatos së verës dhe rrjedhimisht tashmë klubet kanë nisur të pikasin edhe lojtarët që kërkojnë për sezonin e ri. Nëse në Shqipëri e gjithë vëmendja është përqendruar te derbi i kryeqytetit mes Tiranës dhe Partizanit, e njëjta gjë nuk mund të thuhet në Maqedoninë e Veriut.
Skuadra e Shkëndijës së Tetovës ka menduar të “peshkojë” pikërisht te skuadrat kryeqytetase. Sipas “Euforia” bëhet e ditur se në radarin e skuadrës shqiptare të maqedonisë ka përfunduar Kristian Toshevski.
Mbrojtësi maqedonas është një pikë kyçe në formacionin e Orges Shehit, por raportohet se tashmë drejtuesit e skuadrës kuqezi dhe lojtari kanë arritur marrëveshjen mes tyre, ndërsa mungon vetëm zyrtarizimi. Kujtojmë se 29-vjeçari del lojtar i lirë në fund të sezonit dhe menjëherë maqedonasi do t’i bashkohet kuqezinjve për të vazhduar karrierën në kampionatin maqedonas.për të do të ishte një rikthim pasi më parë ka mbajtur veshur fanelën e Teteksin, Pelisterin dhe Vardarin.
Lexo gjithashtu
