Alfred Bollano, një ish-mundës i KS Partizani, kujton jo pa nostalgji analizën për sportin e Mundjes në kohën e diktaturës. Aty ku analizat dhe përgjegjësitë për këtë sport dilnin nga burra me kapele e yje ushtrie, ku gjeneralë e oficerë analizonin për orë të tëra sesi ishin arritur objektivat.
Aty ku analiza e sportit të mundjes, bëhej në reparte ushtarake dhe ku shkalla e disiplinës ishte në nivelin e saj më të lartë.
Nga Alfred Bollano
Ishte dhjetori i vitit 1977. Një makinë e madhe Vollgë me targa UP-00238, ngjyrë e bardhë kishte ndaluar pranë zyrës së shefit Muharrem Terihati në KS Partizani. Shoferi I saj, Astriti, me një leckë të pastër pastronte xhamat nga një vesë shiu e porsa rënë. Që në mëngjes herët, të gjithë ne ushtarët në klub ishim mobilizuar për të qenë gjithcka në rregull. Dhe momenti po vinte.
Ishte ora 10 në mëngjes, dhe zv.ministri I Mbrojtjes, Maliq Sadushi sapo mbërriti. Do të bëhej analiza vjetore e KS Partizani, si çdo vit, në këtë muaj. BC me targa ushtarake dhe kjo e anëtarit të kryesisë, ishte rreshtuar pas asaj të zv.ministrit dhe ky ishte Ylber Dhrami, Komandant I MKA mbrotjes kundërajrore.
Një BC tjetër e parkut të ministrisë së mbrojtjes kishte sjellë një anëtar tjetër të kryesisë, Drini Gogo Nushi. E disa BC të tjera të anëtarëve të kryesisë së KS Partizani. Komandant korpusi brigade dhe drejtorë drejtorie të ministrisë së Mbrojtjes ishin aty.
Një gjë ishte karakteristikë e përbashkët nga të gjithë këta, pasioni I madh për këtë klub. Kur flitej e diskutohej, tundej toka nga fuqia që nxirrnin të gërshetuar me dashuri e pasion të madh për këtë klub legjendë në Shqipëri. Dhe kështu në një moment, vinte radha e diskutimit për sportin e Mundjes.
Zv.Sadushi ngrihej vet dhe me pasion kalonte fjalët falenderuese shoqëruar edhe me diploma për mundësat legjendarë kampionë si mjeshtrat e mëdhenj Ndricim Spahiu, Gjenerali Piro Kokalari, Mark Curi, Abedin lame, Arben Fejzo (që sot u nda nga jeta), Noc Noci, Muhamet Mala etj.
Me drejtimin e trajnerit të madh, mjeshtrin Bashkim Lika, një figurë e lartë sportive por edhe ushtarake realizohej gjithcka. Mundja në atë kohë e KS Partizani kishte një vend të vecantë në këtë klub. Të gjithë ishin oficera, nënoficera, mundësa profesionistë, ku stërviteshin sit ë tillë çdo mëngjes e pasdite cdo ditë. Mundja në atë kohë kishte dejtues: në mundjen e lirë mjeshtrin e Sportit Prokop Beqarin dhe sporti i Mundjes drejtohej nga shefi përkatës officer Seit Foci. Komisar i Klubit ishte Bahri Barbullushi dhe me daljen në pension të Seit Focit, shef i sporteve të rënda u emerua ificer Nasi Gjerko.
Më kujtohen shumë hollësi se isha edhe përgjegjës i bibliotekës dhe qëndrës së zërit në atë kohë dhe m'u dha mundësia të mbaja me shkrim gjithë protokollin e Analizës Vjetore të KS Partizani në ato vite. Natyrisht, analiza bëhej për të gjitha llojet e sporteve. Por unë si mundës sportiest në atë kohë, u përqëndrova sot në kujtimet e mia të shkurtra vetëm këtu, për të treguar sesa punë bëhej në sportin e Mundjes. Sa vlerë të madhe ka analiza vjetore në sportin e mundjes. Ku dhe sot nën drejtimin e presidentit Biba dhe sekretarit Spahiu bëhen analiza në rang federate. /Newsport.al/
