Milani po vonon në zyrtarizimet në merkato dhe gjithçka duket e paqartë për momentin në kampin kuqezi. Kampionët e Italisë u dukën në një moment të shkëlqyer pasi fituan titullin dhe po prisnin vetëm një firmë të pronarëve të rinj, por që nuk ka ardhu ende.
Klubi vijon të drejtohet nga “Elliot” dhe merkato deri më tani, është e “fikur”. U duk se Milani ishte shumë pranë firmave me Renato Sanches, Divock Origi dhe Sven Botman, por asnjë lëvizje deri më tani. Madje, për mbrojtësin Botman, dy ekipe në Angli e duan.
Bëhet fjalë për Newcastle dhe Chelsea, madje tifozët e bluve të Londrës, i kanë bërë dhe reklame gjigantit të prapavijës. Shumë video në rrjetet sociale të performancës së Botman kundër Chelsea janë shpërndarë dhe tifozët blu janë të impresionuar me paraqitjen e Botman.
Tuchel e sheh Botman si pasuesin ideal të Antonio Rudiger, që u largua drejt Real Madrid si lojtar i lirë. Ndërsa sa i takon Newcastle, është një ekip që shfaqi interes edhe në janar për Botman dhe është gati të paguajë shifra të çmendura për të.
Lexo gjithashtu
