Klubi i Lazios ka bërë të ditur se është gjetur gjuha e përbashkët mes tyre dhe klubit të Atalantës për huazimin e sulmuesit, Daniel Maldini.
Emër mjaft i njohur nga bota e sportit pasi Danieli është djali i legjendës së Milanit dhe kombëtares italiane, Paolo Maldini.
Aktualisht për 24-vjeçarin klubi ka paguar një tarifë prej 1 milion euro, por nga ana tjetër klauzola për blerjen e tij kap shifrën e 14 milionë eurove, e cila nuk është e detyrueshme.
Maldini vjen me një eksperiencë të mirë në fushë, pasi ka luajtur për skuadra të tjera si Milanin, Empolin po ashtu edhe Monzan.
Sa i takon njoftimit për arritjen e marrëveshjes së huazimit të futbollistit nga ekipi i Atalantës, lajmi është konfirmuar edhe nga postimi i gazetarit sportiv, Fabrizio Romano në rrjetin social “Instagram”.
View this post on Instagram
Lexo gjithashtu
