Mërgim Mavraj po kalon një formë shumë të mirë me skuadrën e tij në Bundesligën 1 në Gjermani duke u renditur në vend të dytë në kampionat, vetëm 2 pas Bajernit të Mynihut.
Kjo ecuri dhe po ashtu edhe paraqitjet e tij shumë të mira me Këlnin e kanë bërë Mërgim Mavrajn të jetë në humor të mirë, madje që në pikë të mëngjesit. Të paktën një gjë të tillë, mbrojtësi i Kombëtares sonë e ka treguar përmes një fotoje të postuar në Instagram.
Diçitura që shoqëronte foton e tij të shkrepur në makinë dukej më tepër si një monolog me veten dhe më pas një dialog imagjinar me nënën e tij, por sigurisht edhe real në të njëjtën kohë, një bisedë që kushdo e ka bërë të paktën një herë në jetën e tij me nënën e vet. Ndoshta, Mavraj ka dashur të tregohet pak nostalgjik duke bërë një retrospektivë në të kaluarën e tij, pikërisht në moshën e adoleshencës.
"E bona edhe une nje foto ne makinë #Edhe puqrrat me mu #Djali jem mos u ngut #Djali jem me lajmro kur arrit #Mami aki 20€ per benzin #hajt edhe 10€ bon #Hooo Djali jem 5€ boll jan", shkruante Mavraj në foton e postuar në Instagram.
Lexo gjithashtu
