Futbolli shqiptar i ka fillimet e hershme që pas pavarësisë së Shqipërisë. Në shumë qytete të vendit filloi të luhej një lojë e re sportive me emrin "futboll".
Në Shkodër, Vlorë, Korçë e në disa qytete të tjera filluan të zhvilloheshin ndeshje të tilla futbolli. Në Shkodër shumë lagje të vjetra shkodrane filluan të ndesheshin ndërmjet tyre duke krijuar një interes të veçantë në popullsinë e asokohe.
Duke parë interesimin e madh ndaj këtij sporti filluan të krijoheshin grupe të vogla sportive të cilët më vonë do të krijojnë një Shoqëri të vetme sportive me emrin Vllaznia. Shoqëria Vllaznia është themeluar më 16 shkurt të vitit 1919, ku nismëtarët ishin anëtarët e shoqatës "Mustafa Pasha" dhe "Vaso Pasha" të cilët u bashkuan duke krjuar një shoqëri të vetme me emrin "Vllaznia".
Ndër themeluesit e shoqërisë "Vllaznia" mund të përmendim emrat e Hile Mosit që u zgjodh kryetar, Hysen Draçini nënkryetar e Jonuz Tafili sekretar.
Kjo shoqëri do të luante një rol shumë të madh në zhvillimin e llojeve të ndryshme të sportit në vendin tonë. Madje pikerisht në Shkodër kanë fillimin e tyre sporte si futbolli, çiklizmi, atletika etj. Kjo shoqëri do të ishte e para shoqëri e ketij lloji ne vendin tonë.
[caption id="attachment_83022" align="alignleft" width="234"]
Loro Boriçi[/caption]
Në këto vite nuk mund te lemë pa përmendur lojtarët me famë si Loro Boriçi, Muhamet Dibra, Xhelal Juka, Bimo Fakja, Met Vasija e shumë e shumë të tjerë që kanë berë historinë e Vllaznisë. Në vitet në vazhdim Vllaznia paraqitet gjithmone si pretenduese duke qenë ekipi i vetem nga rrethet që do të konkurojë treshen e ekipeve të kryeqytetit.
Ekipi shkodran mbush sot 98 vjet nga krijimi i tij. Ekip gjithë histori, trofe dhe legjenda të futbollit Shqiptar. Pas 98 vitesh hbistori, Vllaznia, e gjen veten në kategorinë Superiore të futbollit shqiptar.
