Çështja e shiritit me ylber që kapitenët e disa skuadrave pritet të mbanin veshur ka sjellë shumë reagime dhe polemika. Të parët ishin anglezët që me anë të presidentit të Federatës njoftuan se do të përdornin shiritin “OneLove” pavarësisht gjobave të vendosura. Pas tyre u bashkuan edhe Gjermania, Uellsi, Danimarka, Holanda dhe Zvicra.
Por mëngjesin e sotëm, në email-et e këtyre federatave ka ardhur një komunikim direkt i prerë nga FIFA që ndalon rreptësisht përdorimin e simboleve politike në fanellë dhe do të përdorë sanksione të ashpra në rast se shkelet ky rregull.
Të gjitha federatat e sipërpërmenduar kanë dalë me një komunikim të përbashkët ku thuhet se: “FIFA është treguar shumë e qartë se do të imponojë sanksione të ashpra sportive nëse kapitenët tanë do të veshin shiritin ‘OneLove’ në fushë.”
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
