Emiljano Çela dha dorëheqjen e parevokueshme nga Kastrioti pas humbjes 4-0 ndaj Tiranë në Air Albania ditën e hënë. Krutanët menjëherë janë vënë në lëvizje për timonierin e ri që do të marrë drejtimin e skuadrës dhe ashtu siç bëri me dije Neësport.al mëngjesin e sotëm, Ardian Mema do të jetë trajneri i ri i Kastriotit. Vetë klubi krutan ka zyrtarizuar emërimin e tij në krye pas marrëveshjes me presidentin Alban Vogli dhe ditën e sotme, ish-trajneri i Tiranës ka drejtuar seancën e parë stërvitore. Ndeshja e parë e 51-vjeçarit do të jetë ndaj Vllaznisë, ditën e premte në Kamëz në orën 13:00 ku do të kërkohet rikthimi te rezultatet pozitive.

 

View this post on Instagram

 

A post shared by Kastrioti Football Club (@kskastrioti.al)