Klubi i Shkupit ka njoftuar se ka arritur marrëveshjen për trajnerin e ri të skuadrës. Drejtuesit pak ditë më parë ndërprenë bashkëpunimin me teknikun Sedllovski. Sot ata bënë një njoftim sipas të cilit trajneri i ri i skuadrës do të jetë turku Cihan Arslan. Ai më përpara ka drejtuar disa skuadra në Superligën turke, ndërmjet tyre edhe Basakshehir.
Një nga sukseset e Arslan në karrierë është drejtimi i skuadrës Akhisar e cila ka qenë një ekip i vogël i një qyteze turke. Me Akhisar ai arriti të garojë deri në Europa League. Pjesë e stafit teknik të Arslan do të jetë edhe Fevzi Lajiç. Arslan do të debutojë në stolin e Shkupit më datë 2 prill kur ata do të ndeshen në shtëpi me Strugën.
Poll
Lexo gjithashtu
