Skerdi Bejzade nuk do të vazhdojë në krye të Erzenit. Vetë klubi shijakas njofton përmes rrjeteve sociale se palët kanë mbyllur me sukses bashkëpunimin. Ky njoftim është i papritur, pasi Erzeni luan të mërkurën përballë Vllazninë, në kuadër të çerekfinales së Kupës kundër Vllaznisë. Ky është largimi i dytë i një trajneri të Superiores në pak ditë. Kjo pasi kujtojmë se dhe Laçi largoi trajnerin Mirel Josa, pas humbjes 0 me 1 ndaj Skënderbeut. Shkak janë bërë rezultatet në kampionatin shqiptar. Erzeni pësoi humbje tronditëse 3 me 0 ndaj Teutës në “Niko Dovana”. Tashmë shijakasit mbajnë vendin e 9 dhe janë pjesë e zonës së ftohtë. Postimi i Erzenit: K.F Erzeni njofton mbylljen e bashkëpunimit me konsensus me Trajnerin Z.Skerdi Bejzade. K.F Erzeni falenderon trajnerin për kontributin e dhënë në ekip dhe i uron suksese.

 

View this post on Instagram

 

A post shared by KF Erzeni (@kferzeni)