Zoran Zekic do të jetë trajneri i Partizanit për sezonin e ri. Mungon vetëm zyrtarimi në krye të të kuqve. Por trajneri i ri nuk ka zbarkuar i vetëm në Tiranë. Kroati vjen bashkë me dy ndihmësit e tij, për të cilët mësohet se ka kërkuar edhe kontrata.
Në këto kushte duket se largimi i stafit me të cilin ka punuar Giovanni Colella duket i pashmangshëm. Klajdi Kënga dhe Fatjon Tafaj pritet ta pësojnë nga ky ndryshim në stol. I fundit është i preferuari i gaz Demit dhe si i tillë mund t’i jepet dhe një rol për akademitë.
Gjithashtu në diskutim mbetet edhe e ardhmja e Marko Koralit. Përgatitësi atletik nuk ka vendosur ende për të ardhmen e tij. Gjithësesi dita e sotme mund të zgjidhë disa enigma, pasi është programuar që në orën 18:30 të grumbullohet skuadra pas pushimeve 10 ditore.
Lexo gjithashtu
