Kupa e Botës ka përmbyllur fazën e 1/16, me ndeshjen e fundit mes Portugalisë dhe Zvicrës. Sfida u mbyll me rezultatin tenistik 6-1, duke zbehur maksimalisht Zvicrën. “Helvetët” përshëndesin më një performancë që lë vend për të dishurar, aventurën në botëror.
Xherdan Shaqiri ka folur në përfundim të takimit, duke shprehur qartazi zhgënjimin nga ky eleminim. Shqiptari që aktivizohet me kombëtaren e Zvicrës nuk ka hezituar të kërkojë falje tifozëve për performancën.
Deklarata e Xherdan Shaqirit:
Ndeshja? “Jemi shumë të zhgënjyer. Në emër të ekipit, u kërkoj falje të gjithë tifozëve që nuk arritëm të bënim paraqitjen tonë të zakonshme. Ne kemi plane të mëdha. Por ky është futbolli, herë pas here tregohen limitet. Kështu ishte edhe sot. Ne e humbëm lojën në pjesën e parë dhe më pas ju thjeshtë po vazhdoni lojën. Duhet të përgëzojmë portugezët për golat, por megjithatë rezultati ishte padyshim i pabesueshëm."
Ndryshimet në ekip? “Trajneri na jep gjithmonë një plan, ne më pas përpiqemi të japim maksimumin në fushë dhe sot nuk ia dolëm. Ishte pak surprizë për të gjithë ky rezultat. Ne jemi të gjithë profesionistë dhe dëgjojmë trajnerin se çfarë direktivazh na jep. Ne kishim një plan të qartë, por për fat të keq nuk funksionoi”.
Lexo gjithashtu
