Partizani do të ketë fokusin te lojtarët e rinj ka deklaruar shpeshherë drejtori Elton Marini me trajnerin Colella që ka aktivizuar disa prej tyre këtë sezon gjatë ndeshejve të kampionatit. Shitja e Xhuliano Skukës ka mbushur arkat e të kuqve por ka lënë një boshllëk shumë të madh që do të jetë i vështirë për t’u mbushur teksa 10 gola deri në këtë fazë nuk janë pak.
Christian Mba është goditja e Demave, me sulmuesin afrikan që vjen nga kampionati kosovar ku luajti për Trepcën duke shënuar 10 gola e 5 asiste në 18 ndeshje deri tani. Megjithatë, të kuqtë nuk ndalen këtu teksa kanë piketuar edhe një bomber tjetër.
Zëvëndësuesi i Skukës mund të vijë pikërisht aty ku “lindi” lojtari, te Korabi. Albers Keko është 21-vjecari që ka rënë në sytë e drejtuesve të Partizanit me 9 golat e tij në 13 ndeshje. Sipas Oversport, Partizani po punon për të siguruar shërbimet e tij këtë merkato po ta huazojë deri në fund të sezonit përsëri te dibranët për të marrë sa më shumë minuta.
Lexo gjithashtu
