Vora ka arritur të fitojë 2-1 kundër AF. Elbasanit, ndeshje e vlefshme për finalen e kampionit të Kategorisë së Dytë. Kanë qenë të besuarit e Artan Mërgjyshit ata që kanë përmbysur disavantazhin duke fituar në këtë mënyrë këtë trofe në këtë kategori.
Pjesa e parë përfundoi me shifrat 1-1. Lleshi kaloi i pari në avantazh Elbasanin. Pas një krosimi nga e djathta, ai tundi rrjetën e vorakëve. Por, këta të fundit u përgjigjen menjëherë me Avdiun. Në minutën e 29-të, lojtari i Vorës barazoi shifrat.
Pjesa e dytë ishte më e luftuar se e para. Dhe për t’i shtuar bukurinë, mendonin tifozët e pranishëm në stadiumin “Air Albania”. Në minutën e 78-të ishte sërish Argel Avdiu që shënoi golin e fitores. Edhe pse verdheblutë tentuan të barazonin, ishte e vështirë pasi lojtarët e Mërgjyshit u mbyllën mirë në prapavijë.
Lexo gjithashtu
