Teuta-Kukësi 2-0 (Kallaku 58' pen. 72')
Kupa e Shqipërisë, çerekfinalja e parë
Ka përfunduar në “Niko Dovana” çerekfinalja e parë e Kupës së Shqipërisë mes Teutës dhe Kukësit. Durrsakët fituan ndeshjen me rezultatin 2-0. Heroi i sfidës ishte Sherif Kallaku. Një penallti dhe goditje dënimi ishin golat që shënoi Kallaku për ta çuar Teutën me një këmbë në gjysmëfinale. Pjesa e parë u mbyll pa gola. Në fraksionin e parë Kukësi ishte më kërkues me Gjelbrim Taipin që tentoi disa herë portën e Qirkos por pa sukses. Gjithashtu sulmuesi kuksian Barbosa goditi dhe shtyllën.
Me nisjen e pjesës së dytë durrsakët ishin më rezultativ në lojën e tyre. Një penallti e fituar nga Kejdi Daci u shndërrua në gol nga Kallaku në të 58-tën, i cili sot festonte ditëlindjen e tij. Në minutën e 72 ishte sërish Kallaku që kësaj here shënoi një supergol nga goditja e dënimit. Kështu krejt takimi u mbyll 2-0 për Teutën, e cila shkon më e qetë në “Kukës Arena” për të luajtur aktin e dytë çerekfinal.
Formacionet Zyrtare:
Teuta: Qirko; Marku, Jazxhi, Kotobelli, Kouros, Gjinollari; Beqja, Kallaku, E.Vila; L.Vila, Daci. Trajner: Edi Martini
Kukësi: Tafas, Dragoshi, Lamce, Bytyci, Ndreca, Abdu, Sh.Taipi, Basha, Gj.Taipi, Peposhi, Barbosa. Trajner Rraman Hallaçi
Stadiumi: Niko Dovana
Arbitër: Erjon Bastari
Komenti minutë pas minute:
95'- Pëfundon sfida, Teuta fiton 2-0 me golat e Kallakut.
90'- Mundësi për Kukësin, Shqiprim Taipi godet me kokë por Qirko bën një super pritje në vijën fatale.
82'- Sërish rrezikshëm Teuta. Cyrbja kroson në zonë, por Tafas grushton topin.
72'- Kallaku godet nga goditja e dënimit dhe gooool! Fantastike! Një supergol nga Sherif Kallaku!
58'- Gol Teuta. Kallaku nuk gabon nga pika e bardhë, 1-0 për Teutën.
57'- Penallti për Teutën. Kejdi Daci fiton një 11 metërsh në zonë pas një tërheqje nga fanella e Bytyçit.
49'- Peposhi futet në zonë, godet por topi shkon jashtë mbi traversë. Mundësi e artë për Kukësin!
46'- Nis pjesa e dytë mes Teutës dhe Kukësit
45'- Mbaron pjesa e parë në "Niko Dovana" 0-0.
36'- Gjelbrim Taipi godet me të majtën nga jashtë zone, por Qirko grushton në këndore
22;- Taipi godet nga goditja e dënimit po Qirko devijon, Barbosa më pas gjen shtyllën
20'- Artan Jazxhi ndëshkohet me karton të verdhë për një ndërhyrje nga prapa
15'- Taipi godet por gjen traversën, pranë golit Kukësi
12'- Vila kroson bukur në zonë por Daci nuk mbërrin
1'- Nis takimi në "Niko Dovana"
Lexo gjithashtu
