ERZENI – EGNATIA 2-1 (Kahrimanovic 33' pen. Nonato 37' / Dwamena 48')
JAVA 25| Kategoria Superiore
Gjyqtar: Albert Doda
Ka përfunduar pjesa e dytë dhe i tërë takimi mes Erzenit dhe Egnatias. Sfida e luajtur në “Niko Dovana” u mbyll 2-1 për Erzenin. Skuadrat shfaqën një ritëm të lartë loje dhe raste të shumta si në pjesën e parë dhe të dytën. Ndeshja u ndez në minutën e 32 kur Kahrimanovic shënoi golin e parë për Erzenin. Ademi fitoi një penallti në hyrje të zonës dhe gjyqtari u konsultua me VAR-in dhe akordoi penallti të cilën e shndërroi në gol Kahrimanovic. Në të 37-tën Nonato dyfishoi shifrat në 2-0 për vendasit. Në fund të pjesës së parë ishte Dëamena ai që zgjoi Egnatian nga gjumi dhe ngushtoi shifrat në 2-1. Pjesa e dytë nisi me ritëm të lartë dhe raste. Egnatia nuk donte të pajtohej me humbjen dhe insistoi për minuta të tëra në gjysmëfushën shijakase. Nonato arriti të realizoi të tretin në kundërsulm për shijakasit. Por pas 5 minutash konsultim VAR anulloi gjithçka. Egnatia sulmoi me gjithçka që kishte në dispozicion. Dwamena kishte disa raste të pastra për të shënuar por ishte i pafat. Një moment ai goditi shtyllën dhe në një moment tjetër i vetëm fare portieri Xhika bëri një super pritje. Kështu Erzeni merr një fitore të rëndësishme që e ngjit momentalisht në vendin e katërt me 36 pikë.
Erzeni: Xhika, Iljazi, Krivicic, Peposhi, Osmanllari, Mehmeti, Kahrimanovic, Alan, Ademi, Kapllani, Nonato Trajner: Xhevahir Kapllani
Egnatia: Sherri, Fangaj, Malota, Atanda, Musta, Mellugja, Fernando, Zejnullai, Lilaj, Dwamena, Kasa Trajner: Edlir Tetova
Komenti minutë pas minute:
98'- Përfundon sfida mes Erzenit dhe Egnatias. Shijakasit fitojnë 2-1 në "Niko Dovana".
89'- Dwamena godet por Xhika i mohon golin.
87'- Dwamena sërish por ndalet nga shtylla
85- Dwamena shënon por arbitri ngre flamurin. Pozicion i parregullt.
75- Pas 4 minutash ndalese, VAR anullon golin e Nonatos 2-1 mbetet sfida.
70'- Nonato futet në zonë kalon portierin dhe shënon, por arbitri ngre flamurin. Pritet konfirmimi nga VAR-i.
61'- Ademi shpërdoron një mundësi të artë për golin e tretë për Erzenin, Atanda bën ndërhyrjen vendimtare
57'- Kahrimanovic godet nga jashtë zone por Sherri grushton
45'- Starton pjesa e dytë mes Erzenit dhe Egnatias.
48'- Dwamena shënon golin e parë për Egnatian 2-1.
45'- Nonato depërton bukur deri në zonën rrogozhinase por goditja e tij devijohet
41'- Moment rreziku për Egnatian, por Dwamena nuk mbërrin në kohë të shtyjë topin në rrjetë.
37'- Nonanta në zonë shënon të dytin.
32'- Kahrimanovic nga pika e bardhë shënon 1-0 për Erzenin
31'- Penallti për Erzenin. Arbitrin e ndihmon VAR-i dhe akordon 11-metërsh për shijakasit.
27'- Momenti i dyshimtë në zonën e Egnatias, skuadra e Erzenit pretendon për penallti. Ademi mbetet i shtrirë në tokë.
24'- Kasa ndëshkohet me karton të verdhë.
5'- Nonato në zonë, godet por devijohet nga mbrojtja rrogozhinase.
1’- Starton ndeshja në “Niko Dovana”.
Lexo gjithashtu
