Erzeni do të luajë përballë Egnatias ndeshjen e vlefshme për javën e 30-të të “Abissnet Superiore”. Sfida do të zhvillohet ditën e diel dhe do të startojë në orën 15:00.
Skuadrat vijnë në këtë sfidë me objektiva të ndryshëm. Egnatia kërkon 3 pikët për t’u shkëputur në majë të klasifikimit, ndërsa Erzeni ‘lufton’ për mbijetesë në elitën e futbollit shqiptar.
Teksa këtë sezon, rrogozhinasit janë kthyer në ‘makth’ për shijakasit. Egnatia ka fituar në 3 fazat e para, duke mos lejuar skuadrën e drejtuar nga Alfred Deliallisi të marrë pikë. Erzeni është mposhtur 4-3, 0-1 dhe 3-2.
Pra, në këtë ndeshje, shijakasit nuk luajnë vetëm për fitore, por edhe për të thyer ‘mallkimin’ e këtij sezoni dhe për të nisur një udhëtim të vështirë drejtë misionit ‘mbijetesë’.
Lexo gjithashtu
