Real Madrid arriti të kualifikohet në finalen e Copa del Rey, teksa mposhti mbrëmjen e djeshme në “Camp Nou” Barcelonën me shifrat 4-0.
Pas këtij triumfi Carlo Ancelotti theksoi se mesfusha ishte një nga repartet që bëri diferencën, ndërsa goli i parë i shënuar ndryshoi gjithë rrjedhën e lojës.
“Bëmë një ndeshje perfekte, nuk fiton dot 4-0 nëse nuk luan mirë. Vuajtëm në pjesën e parë, por e menaxhuam mirë atë moment. Benzema ka punuar mirë gjatë pauzës së kombëtareve dhe ka gjetur formën optimale. Me cilësitë që ka, nëse është në formë, bën diferencën.
Patëm vështirësi në pjesën e parë në daljet në sulm, goli në fundin e këtij fragmenti ndryshoi të gjitha dinamikat. Në pjesën e dytë krijuam më shumë rrezik në zonën e kundërshtarit.
Camavingan vendosa ta inkuadroj në atë pozicion të ndalojë Raphinian në krah dhe arriti t’ia dalë mbanë. Kroos dhe Modric janë lojtarë me shumë stabilitet dhe shumë të rëndësishëm në mesfushën e Real Madridit”, përfundoi italiani.
Lexo gjithashtu
